सेयर बजारमा दोहोरो अंकको गिरावट, २ कम्पनीकाे सेयरमूल्यमा सकारात्मक सर्किट

लगानी खबर, काठमाडौँ - कारोबार हुने हप्ताको दोस्रो दिन आज (सोमबार) सेयर बजारमा गिरावट आएको छ । नेप्से परिसूचकमा गिरावट आउँदा दुई कम्पनीको सेयर मूल्यमा सकारात्मक सर्किट लागेको छ । 

नेपाल स्टक एक्सचेञ्जका अनुसार आज सेयर कारोबार मापक नेप्से परिसूचक १७.९३ अंकले घटेर २३५८.८१ विन्दुमा झरेको छ । नेप्से ०.७५ प्रतिशतले घटेको हो । यता सेन्सेटिभ परिसूचक पनि २.३४ अंकले घटेर ४५१.१९ विन्दुमा झरेको छ ।  

कूल २३१ वटा कम्पनीको ५४ लाख ३९ हजार ८७ कित्ता सेयर खरिदबिक्री हुँदा २ अर्ब ४६ करोड ४६ लाख ८९ हजार ८ सय ६३ रुपैयाँको कारोबार भएको नेप्सेले जनाएको छ । 

कारोबार भएका कूल १३ उपसमूहमध्ये आज ११ उपसमूहको सेयर घटेको छ भने २ उपसमूहको सेयर बढेको छ । आज सबैभन्दा धेरै डेभलपमेन्ट बैंक समूहको सेयर घटेको छ । 

आज गोर्खाज फाइनान्स लिमिटेडको सर्वाधिक कारोबार भएको छ । आज फाइनान्सको १९ करोड २७ लाख १० हजार ६ सय ५१ रूपैयाँको कारोबार भएको छ । 

सोमबार गोर्खाज फाइनान्स र हिमालयन डिस्टिलरी लिमिटेडको सेयर मूल्य सर्वाधिक बढेको छ । आज गोर्खाज फाइनान्सको सेयर मूल्य १० प्रतिशतले बढेर १ हजार १५ रुपैयाँ ३०  पैसामा अन्तिम कारोबार भएको छ, त्यस्तै हिमालयन डिस्टिलरी लिमिटेडको १० प्रतिशतले बढेर ६ हजार २ सय ३७ रुपैयाँमा अन्तिम कारोबार भएको छ । 

त्यसैगरी,  माउन्टेन इनर्जी नेपाल लिमिटेडको सेयर मूल्य सर्वाधिक घटेको छ । आज कम्पनीको सेयर मूल्य ६.१७ प्रतिशतले घटेर १ हजार १५ रुपैयाँ १० पैसामा अन्तिम कारोबार भएको छ । 

हेर्नुहोस् आजको तालिका :