बुधबार थप ६६२ जनामा कोरोना संक्रमण पुष्टि

लगानी खबर, काठमाडाैँ - नेपालमा पछिल्लो २४ घण्टामा थप ६ सय ६२ जनामा कोरोना भाइरसकाे संक्रमण पुष्टि भएको छ । 

मन्त्रालयका अनुसार देशभर ८ हजार ४ सय २६ जनाकाे परिक्षण गर्दा कुल ६ सय ६२ जनामा कोरोना भाइरसकाे संक्रमण पुष्टि भएको हाे ।

त्यसैगरी, बितेको २४ घण्टामा १३ जना संक्रमितको मृत्यू भएको छ । नेपालमा हालसम्म कोरोना संक्रमणका कारण मृत्यु हुनेको संख्या ११ हजार ३ सय १८ जना पुगेको छ ।

पछिल्लो २४ घण्टामा ७ सय ५८ जना संक्रमणमुक्त भएका छन् । हालसम्मकाे निकाे हुने दर ९७.१ प्रतिशत रहेकाे छ ।