सेञ्चुरी कमर्सियल बैंकले सेयर संरचना परिवर्तन गर्ने

लगानी खबर, काठमाडाैँ - सेञ्चुरी कमर्सियल बैंक लिमिटेडले सेयर संरचना परिवर्तन गर्ने भएकाे छ । 

बैंकको संस्थापक शेयरधनी समुहमा हाल रहेको ५३.४१ प्रतिशत सेयर संरचनालाई ५१ प्रतिशत हुने गरी शेयरधनीहरुका सेयर संरचना परिवर्तन गर्ने निर्णय गरेकाे हाे । बैंकले सेयर संरचना परिवर्तन गर्न नेपाल राष्ट्र बैंकबाट स्वीकृति प्राप्त गरी सकेको छ ।

बैंकले यदि सर्वसाधारण सेयरमा परिवर्तन गर्न नचाहाने संस्थापक सेयरधनीहरूलाई यो सूचना प्रकाशित भएको मितिले ३५ दिन भित्र यस सेञ्चुरी कमसियल बैंक लिमिटेड केन्द्रीय कार्यालय, पुतलीसडकमा सम्पर्क राखी लिखित रुपमा निवेदन दिन अनुरोध गरेकाे छ । उक्त अवधिभित्र सर्वसाधारण समूहको सेयरमा परिवर्तन नगर्ने भनी निवेदन नदिने संस्थापक सेयरधनीहरुको हकमा संस्थापक सेयर अनुपात सर्वसाधारण समूहमा परिवर्तन गर्न मञ्जुर रहेको ठानी सोही बमोजिम सर्वसाधारण समूहमा परिवर्तन गर्नेतर्फ प्रक्रिया अगाडी बढाइने बैंकले जनाएकाे छ ।