सामान्य अंकले बढ्यो सेयर बजार, कति भयो कारोबार ?

लगानी खबर, काठमाडौं - आज (सोमबार) सेयर बजार झिनो अंकले वृद्धि भएको छ । विगत केहि दिनदेखि निरन्तर उकालो लागिरहेको सेयर बजारमा आज पनि झिनो अंकले बढेको हो ।  
नेपाल स्टक एक्स्चेन्जका अनुसार आज सेयर मापक नेप्से परिसूचक १.१३ अंकले बढेर २६५८.७४ अंकको बिन्दुमा पुगेर रोकिएको हो ।  बजार बन्द हुँदाको नेप्से परिसूचकको यो बिन्दु हालसम्मकै उच्च हो  ।

त्यस्तै नेप्से परिसूचक १.०९ अंकले बढेको छ । आइतबारको तुलनामा आज कारोबार रकममा भने गिरावट आएको छ ।   आज  कुल २१२ कम्पनीको एक करोड ५८ लाख ५३ हजार ९९३ कित्ता सेयर खरिदबिक्री हुँदा ७ अर्ब २९ करोड ६७ लाख ६० हजार १५६ रुपैयाँ बराबरको कारोबार भएको नेप्सेले जनाएको छ । 

त्यस्तै, आज कारोबार भएका कूल कम्पनीहरुमध्ये ४ वटा कम्पनीको सेयर सकारात्मक सर्किट लेभलमा कारोबार भएको छ । स्टकका अनुसार कारोबार भएका कूल १३ उपसमूहमध्ये ७ वटा मात्र उपसमूहको सेयर बढेको छ, भने बाँकी ६ वटा उपसमूहकाे सेयर घटेकाे छ । आज बैकिंग, डेभलपमेन्ट बैंक, निर्जीवन बीमा, फाइनान्स, जीवन बीमा र लगानी समूहको सेयर घटेको छ । भने अन्य उपसमूहको सेयर बढेको हो ।

स्टकका अनुसार आज अप्पर तामाकोशी  हाइड्रोपावरको सर्वाधिक सेयर काराेबार भएकाे छ । कम्पनीले ३४ करोड ७५ लाख ६८ हजार बराबरको कारोबार गर्न सफल भएको छ ।  कम्पनीको सेयर प्रतिकित्ता ९०८ रुपैयाँमा कारोबार भएको छ  । 

आजको सेयर तालिका हेर्नुहोस्:-