सहारा विकास बैंकको लिलामी शेयर भाद्र २३ गतेसम्म भर्न मिल्ने

लगानीखबर, काठमाडौ– सहारा विकास बैंक लिमिटेडले लिलामी मार्फत बिक्री गर्न लागेको संस्थापक समूहको शेयर भर्ने म्याद थपिएको छ । यसअघि भदौ ८ गतेसम्म भनिएकोमा अब भाद्र २३ गतेसम्म पुर्याइएको छ ।

बैंकले श्रावण ३० गते शुक्रबारबाट संस्थापक समूहको ९ लाख २१ हजार १ सय ४८ दशमलव ७० कित्ता हकप्रद शेयर लिलाम बढाबढ गरी बिक्री खुल्ला गरेको थियो ।

बैंकले  जेठ ६ गतेदेखि असार २४ गतेसम्म हकप्रद शेयर खुल्ला गरेको थियो । उक्त अवधिभित्र आवेदन नपरेको बाँकी शेयर बैंकले लिलामी मार्फत बिक्री गरेको हो । 

उक्त हकप्रद शेयर खरीद गर्न इच्छुक व्यक्ति, कम्पनी, संघ तथा संस्थाहरूले अब भाद्र २३ गतेसम्म शिलबन्दी बोलपत्र पेश गर्न सक्नेछन् । उक्त शेयरको न्यूनतम मूल्य १०० रुपैयाँ तोकिएको छ ।

लगानीकर्ताले सो वा सोभन्दा बढी रकम अंकित गरी न्यूनतम १ हजार कित्तादेखि अधिकतम सबै शेयरका लागि बोलपत्र पेश गर्न सक्नेछन् । बैंकको हकप्रद शेयर निष्कासन तथा बिक्री प्रबन्धकको काम एनआइबीएल एस क्यापिटल लिमिटेडले गरेको छ ।

लगानीकर्ताले एनआइबीएल एस क्यापिटलका सम्पूर्ण शाखा कार्यालय, नेपाल इन्भेष्टमेन्ट बैंकका नारायणगढ, हेटौंडा, बिर्तामोड, जनकपुर, तुल्सीपुर, सुर्खेत, नेपालगन्ज र धनगढी शाखा कार्यालय तथा सहारा विकास बैंकका सबै शाखा कार्यालय र ग्रीन डेभलपमेन्ट बैंकको बागलुङ शाखाबाट आवेदन दिन सक्नेछन् ।

बैंकले प्रकाशन गरेको सूचना यस प्रकारको छ;