आज यी दश कम्पनीका लगानीकर्ता भए निराश

लगानी खबर - काठमाडौं, साताको पहिलो दिन आइतबार सेयर बजारले ओरालो यात्रा तय गरेको छ । नेपाल स्टक एक्सचेञ्जका अनुसार आइतबार सेयर बजारमा दोहोरो अंकको गिरावट देखिएको हो ।

आज सेयर कारोबार मापक नेप्से परिसूचक २१.५८ अंकले घटेर २४८५.०९ विन्दुमा पुगेको छ । नेप्से ०.८६ प्रतिशतले घटेको हो । यस्तै सेन्सेटिभ परिसूचक १.७८ अंकले घटेर ४४९.६८ मा पुगेको छ ।

घटेको बजारमा आज नेशनल हाइड्रोपावर कम्पनी लिमिटेड, साल्ट ट्रेडिङ्ग कर्पोरेशन, बोटलर्स नेपाल (तराई) लिमिटेड, किसान लघुवित्त वित्तीय संस्था लिमिटेड, सिद्धार्थ इन्भेष्टमेन्ट ग्रोथ स्किम २, श्री इन्भेष्टमेन्ट फाइनान्स कम्पनी लिमिटेड, सपोर्ट माइक्रोफाइनान्स वित्तीय संस्था लिमिटेड, गुराँस लाइफ इन्स्योरेन्स कम्पनी लिमिटेड, बैंक अफ काठमाडौं लिमिटेड, मेरोमाइक्रोफाइनान्स वित्तीय संस्था लिमिटेडका लगानीकर्ताले सर्वाधीक गुमाएका छन् ।