शेयर बजारले चुम्याे नयाँ इतिहास : नेप्सेमा बन्यो अलटाइम हाइ रेकर्ड

लगानी खबर, काठमाडौँ - नेपाली शेयर बजारले आज नयाँ इतिहास कायम गरेकाे छ । साताको पहिलाे दिन आज (आइतबार) नेप्से परिसूचकले नयाँ अलटाइम हाइ रेकर्ड बनाएको छ । यसअघि गत बिहीबार मात्र नेप्से बन्द हुँदाको अलटाइम हाइ २०८७.२७ विन्दु रहेकाेमा नेप्सेले आइतबार यस विन्दुलाई ताेडेर २१७५.३९ विन्दुमा पुगेकाे छ । यो हालसम्मकै उच्च विन्दु हो ।

नेपाल स्टक एक्सचेञ्जका अनुसार आइतबार शेयर कारोबार मापक नेप्से परिसूचक ८८.१२ अंकले बढेर २१७५.३९ विन्दुमा पुगेकाे छ । नेप्से ४.२२ प्रतिशतले बढेकाे हो । यस्तै सेन्सेटिभ परिसूचक १७.१८ अंकले बढेर ४१५.८८ मा पुगेको छ ।

कूल २१२ वटा कम्पनीकाे एक कराेड ४० लाख २६ हजार ८ सय ८६ कित्ता शेयर खरिदबिक्री हुँदा ६ अर्ब ३४ करोड ४० लाख १७ हजार ८ सय ८९ रुपैयाँको कारोबार भएकाे छ ।

त्यसैगरी, स्टकका अनुसार आइतबार कारोबार भएका कूल १२ उपसमूह मध्ये आज सबैवटा उपसमूहको शेयर हरियाली भएकाे छ ।

 हेराैं आजकाे शेयर तालिका :