सोमबार, १० मंसिर २०८१|
Monday, November 25, 2024
सोमबार, १० मंसिर २०८१|
Monday, November 25, 2024
लगानी खबर, काठमाडौं – नेपाल फाइनान्स कम्पनी लिमिटेडले पुस १७ गते शुक्रबारबाट ५ लाख १५ हजार २ सय ४८ कित्ता शेयर लिलाम बढाबढ गरी बिक्री गर्ने भएको छ ।
फाइनान्सले मंसिर ४ गते, बिहीबारदेखि मंसिर २४ गते बुधबारसम्म निष्कासन तथा बिक्री खुला गरेको हकप्रद शेयरमा आवेदन नपरेको संस्थापक समूहकाे २ लाख ५५ हजार ७८ कित्ता र सर्वसाधारण समूहको २ लाख ६० हजार एक सय ६९ कित्ता शेयर लिलाम बढाबढ गरी बिक्री गर्न लागेकाे हाे ।
कहिलेसम्म दिने आवेदन ?
लगानीकर्ताले पुस १७ गते शुक्रबारबाट पुस २४ गते शुक्रबारसम्म शिलबन्दी बोलपत्र पेश गर्नुपर्नेछ ।
प्रतिकित्ता मूल्य कति ?
उक्त शेयरको न्यूनतम मूल्य प्रतिशेयर एक सय रूपैयाँ तोकिएको छ । लगानीकर्ताले सो वा सो भन्दा बढी मूल्य अंकित गरी बोलपत्र पेश गर्नुपर्नेछ ।
कति दिने आवेदन ?
लगानीकर्ताले न्युनतम संस्थापकमा एक हजार कित्ता र सर्वसाधारणमा एक सय कित्ताका लागि आवेदन दिनुपर्नेछ भने अधिकतममा सम्पूर्ण शेयरका लागि आवेदन दिन सक्नेछन् ।
काे हाे बिक्री प्रबन्धक ?
कम्पनीको निष्कासन तथा बिक्री प्रबन्धक प्रभु क्यापिटल लिमिटेड रहेको छ ।
कहाँबाट दिने आवेदन ?
लगानीकर्ताहरुले प्रभु क्यापिटल लिमिटेड, कमलादी काठमाडौँ, नेपाल फाइनान्सको केन्द्रीय कार्यालय कमलादी काठमाडाैँ तथा प्रभु बैंक लिमिटेडका विराटनगर, विरगंज, पोखरा, बुटवल, सुर्खेत, नेपालगञ्ज तथा धनगढीका शाखा कार्यालयबाट आवेदन दिन सक्नेछन् ।
फाइनान्सले प्रकाशन गरेकाे सूचना यस प्रकारकाे छ :
प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युटुबमा हामीलाई फलो गर्न सक्नुहुन्छ ।