लिखु खोला हाइड्रोले आइपिओ निष्कासन गर्न प्रत्याभूतिकर्ता नियुक्त गर्याे : ३ अर्ब १२ करोडको आइपिओ आउँदै

लगानी खबर, काठमाडौँ - लिखु खोला हाइड्रोपावर कम्पनी लिमिटेडले साधारण शेयर (आइपिओ) निष्कासन गर्ने भएकाे छ । 

कम्पनीले प्रति शेयर एक सय रूपैयाँ अंकित दरको ३ अर्ब १२ करोड ५० लाख रुपैयाँ बराबरकाे ६२ लाख ५० हजार कित्ता साधारण शेयर (आइपिओ) निष्कासन तथा बिक्रीका लागि नागरिक लगानी कोषलाई प्रत्याभूतिकर्तामा नियुक्त गरेको छ  । कम्पनीले आयोजना प्रभावित क्षेत्रका नागरिक, सामूहिक लगानी कोष, कम्पनीका कर्मचारी र सर्वसाधारणलाई आइपिओ जारी गर्नेछ । 

उक्त सम्झौतापत्रमा नागरिक कोषको तर्फबाट कार्यकारी निर्देशक रमण नेपाल र लिखु खोला हाइड्रोपावर कम्पनी लिमिटेडको तर्फबाट अनिल अग्रवालले हस्ताक्षर गरेका हुन् ।