अधिक तरलता थुप्रिएपछि बैंकहरुबाट ३० अर्ब तान्दै राष्ट्र बैंक

लगानी खबर, काठमाडौँ - नेपाल राष्ट्र बैंकले बैंक तथा वित्तीय संस्थाहरूबाट ३० अर्ब रूपैयाँ बराबरकाे रकम तान्ने भएकाे छ । बैंक तथा वित्तीय संस्थाहरूमा अधिक तरलता थुप्रिएपछि राष्ट्र बैंकले निक्षेप संकलनकाे उपकरण मार्फत ३० अर्ब रुपैयाँ खिच्न लागेको हो । 

 निक्षेप संकलनकाे बाेलकबाेलमा राष्ट्र बैंकबाट इजाजतपत्र प्राप्त ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउने छन् । निक्षेप संकलनकाे बाेलकबाेल व्याजदरमा गर्नुपर्नेछ । बाेलकबाेल बहुव्याजदरमा पनि गर्न सकिनेछ । 

यसैगरी, बाेलकबाेलमा सहभागी हुन चाहने बैंक तथा वित्तीय संस्थाहरुले आज (असाेज ८ गते, बिहीबार) दिउँसो ३ बजेसम्म बिडिङ गर्नुपर्नेछ । यसको साँवा तथा व्याज भुक्तानी कात्तिक ६ गते हुनेछ ।

बैंकले प्रकाशन गरेकाे सूचना यस प्रकारकाे छ :