२ कम्पनीकाे लिलामी सेयर भर्ने आज अन्तिम दिन

लगानी खबर, काठमाडाैँ - नेपाल लाइफ इन्स्याेरेन्स कम्पनी लिमिटेड र एनआईसी एशिया बैंक लिमिटेडको साउन ५ गते, बिहीबारबाट लिलाम बढाबढ गरी बिक्री खुल्ला गरिएकाे संस्थापक समूहकाे सेयर भर्ने आज (श्रावण १९ गते, बिहीबार) अन्तिम दिन रहेकाे छ । 

नेपाल लाइफकाे ५ लाख ९६ हजार ९ सय २१ कित्ता र एनआईसी एशिया बैंक लिमिटेडकाे ७ लाख १७ हजार ९ सय ५० कित्ता संस्थापक समूहकाे सेयर लिलाम बढाबढ गरी बिक्री खुल्ला गरिएकाे हाे । जसमध्ये नेपाल लाइफकाे मूल्य प्रतिकित्ता न्यूनतम ७ सय रूपैयाँ र एनआईसी एशिया बैंककाे मूल्य प्रतिकित्ता न्यूनतम ४ सय २५ रूपैयाँ ताेकिएकाे छ ।

लगानीकर्ताले दुवै कम्पनीकाे सेयरमा न्युनतम एक हजार कित्तादेखि र अधिकतममा १० ले भाग जाने गरी सबै कित्ताको लागि आवेदन दिन सक्नेछन् । 

त्यसैगरी, कम्पनीको निष्कासन तथा बिक्री प्रबन्धक ग्लाेबल आइएमई क्यापिटल लिमिटेड रहेको छ । लगानीकर्ताहरुले ग्लाेबल आइएमई क्यापिटल लिमिटेड, नक्साल, काठमाडौं र  ग्लाेबल आइएमई बैंक लिमिटेडकाे तलकाे सूचनामा ताेकिएका शाखा कार्यालयहरूबाट आवेदन दिन सक्नेछन् ।