बरुण हाइड्रोकाे हकप्रद सुरक्षित गर्ने आज अन्तिम दिन

लगानी खबर, काठमाडाैँ - बरुण हाइड्रोपावर कम्पनी लिमिटेडकाे हकप्रद सेयर सुरक्षित गर्ने आज (श्रावण १ गते, आइतबार) अन्तिम दिन रहेकाे छ । 

कम्पनीले हकप्रद निष्कासन गर्ने प्रयाेजनका लागि भाेलि श्रावण २ गते, साेमबार एक दिन बुकक्लाेज गर्ने निर्णय गरेकाे छ । त्यसैले, आज श्रावण १ गते, आइतबारसम्म नेपाल स्टक एक्सचेञ्ज (नेप्से) मा काराेबार भई कायम भएका शेयरधनीहरूले मात्र हकप्रद सेयरमा आवेदन दिन सक्नेछन् ।

कम्पनीले चुक्ता पूँजी २६ करोड ७९ लाख ७ हजार ५ सय रुपैयाँ बराबरको १०० प्रतिशत अर्थात् १:१ काे अनुपातमा २६ कराेड ७९ लाख ७ हजार ५ सय रूपैयाँ बराबरकाे २६ लाख ७९ हजार ७५ कित्ता हकप्रद निष्कासन गर्न नियामक निकाय नेपाल धितोपत्र बोर्ड (सेबोन) बाट असार १५ गते, बुधबार अनुमति पाएकाे थियाे ।

कम्पनीले हकप्रद सेयर निष्कासन गर्नका लागि आरविवि मर्चेन्ट एण्ड बैंकिङ्ग लिमिटेडलाई निष्कासन तथा बिक्री प्रबन्धकमा नियुक्त गरेको छ।