सेयर बजार राताम्मै

लगानी खबर, काठमाडाैँ - आज (साेमबार) सेयर बजार राताम्मै भएकाे छ । 

नेपाल स्टक एक्सचेञ्जका अनुसार आज (साेमबार) सेयर कारोबार मापक नेप्से परिसूचक ७७.०१ अंकले घटेर १९१५.६१ विन्दुमा झरेकाे छ । नेप्से ३.८६ प्रतिशतले घटेकाे हो । यस्तै, सेन्सेटिभ परिसूचक पनि १३.०३ अंकले घटेर ३६६.८६ विन्दुमा झरेकाे छ । 

कूल २२७ वटा कम्पनीकाे ६३ लाख १३ हजार ६ सय ४१ कित्ता सेयर खरिदबिक्री हुँदा २ अर्ब ३२ करोड ५६ लाख ४१ हजार २२ रूपैयाँ बराबरको कारोबार भएकाे नेप्सेले जनाएकाे छ ।

स्टकका अनुसार कारोबार भएका कूल १३ उपसमूहमध्ये सबै उपसमूहकाे सेयर घटेकाे छ । 

साेमबार हिमालयन डिष्टीलरी कम्पनी लिमिटेडकाे सर्वाधिक काराेबार भएकाे छ । कम्पनीकाे ११ कराेड ४ लाख ३५ हजार रूपैयाँ बराबरकाे काराेबार भएकाे हाे ।

आज म्युचुअल फण्ड र डसबेञ्चरसहित जम्मा ६ वटा कम्पनीको मूल्य बढेको छ । 

यस दिन ग्रामीण विकास लघुवित्त वित्तीय संस्था लिमिटेडकाे सेयरमूल्यमा नकारात्मक सर्किट लागेकाे छ । संस्थाकाे सेयरमूल्य १० प्रतिशतले घटेर ६ सय ७८ रूपैयाँ ६० पैसामा झरेकाे छ ।