सेयर बजारमा लगातार गिरावट, प्यानिक बन्दै लगानीकर्ता

लगानी खबर, काठमाडाैँ - सेयर बजारमा लगातार गिरावट देखिन थालेकाे छ । बजार निरन्तर घट्दा लगानीकर्ता पनि प्यानिक भइसकेका छन् । 

नेपाल स्टक एक्सचेञ्जका अनुसार आज (शुक्रबार) सेयर कारोबार मापक नेप्से परिसूचक ३३.७६ अंकले घटेर २०७८.७० विन्दुमा झरेकाे छ । नेप्से १.६० प्रतिशतले घटेकाे हो । यस्तै, सेन्सेटिभ परिसूचक पनि ७.१८ अंकले घटेर ४०३.४८ विन्दुमा झरेकाे छ । 

कूल २२६ वटा कम्पनीकाे ३८ लाख ४८ हजार ५ सय ८ कित्ता सेयर खरिदबिक्री हुँदा एक अर्ब ३० करोड ७३ लाख ५९ हजार ५ सय ४१ रूपैयाँ बराबरको कारोबार भएकाे नेप्सेले जनाएकाे छ ।

स्टकका अनुसार कारोबार भएका कूल १३ उपसमूहमध्ये आज सबै उपसमूहकाे सेयर घटेको छ । 

शुक्रबार एनआईसी एशिया बैंक लिमिटेडकाे सर्वाधिक काराेबार भएकाे छ । बैंककाे ६ कराेड २३ लाख ५५ हजार रूपैयाँ बराबरकाे काराेबार भएकाे हाे ।

त्यसैगरी, आज उपकार लघुवित्त वित्तीय संस्था लिमिटेड र बलेफी हाइड्राेपावर कम्पनी लिमिटेड सेयरमूल्यमा सकारात्मक सर्किट लागेकाे छ । यस दिन नेपाल इन्भेष्टमेन्ट बैंककाे संस्थापक समूहकाे सेयरमूल्य सबैभन्दा धेरै घटेकाे छ। बैंककाे संस्थापक सेयरकाे मूल्य ९.५६ प्रतिशतले घटेर २८९ रूपैयाँ ४० पैसामा झरेकाे छ । 

सेयर तालिका हेर्नुहाेस् :