बजेटपछि झनै घट्यो सेयर बजार

लगानी खबर, काठमाडाैँ - बजेटपछिकाे आज (साेमबार) सेयर बजार झनै घटेकाे छ । 

नेपाल स्टक एक्सचेञ्जका अनुसार आज (साेमबार) सेयर कारोबार मापक नेप्से परिसूचक ४५.०९ अंकले घटेर २१७८.६९ विन्दुमा झरेकाे छ । नेप्से २.०३ प्रतिशतले घटेकाे हो । यता सेन्सेटिभ परिसूचक पनि ७.८४ अंकले घटेर ४२५.२३ विन्दुमा झरेको छ । 

कूल २२७ वटा कम्पनीकाे ३४ लाख ५६ हजार ५ सय २९ कित्ता सेयर खरिदबिक्री हुँदा एक अर्ब ३३ करोड ८८ लाख ५६ हजार २ सय ८२ रूपैयाँ बराबरको कारोबार भएकाे नेप्सेले जनाएकाे छ ।

स्टकका अनुसार कारोबार भएका कूल १३ उपसमूहमध्ये आज सबै वटा उपसमूहकाे सेयर घटेको छ । 

त्यसैगरी, साेमबार काराेबार रकममा नेपाल टेलिकमले अग्रता कायम गरेकाे छ । टेलिकमकाे ४ कराेड ९६ लाख ३८ हजार रूपैयाँ बराबरकाे काराेबार भएकाे छ । आज बलेफी हाइड्राेका लगानीकर्ताहरूले सबैभन्दा धेरै कमाएका छन् । कम्पनीकाे सेयरमूल्य ९.९९ प्रतिशतले बढेर एक सय २४ रूपैयाँ ४० पैसा पुगेकाे छ । यस दिन नेपाल इन्भेष्टमेन्ट बैंककाे सेयरमूल्यमा नकरात्मक सर्किट लागेकाे छ । बैंककाे सेयरमूल्य ९.९९ प्रतिशतले घटेर ३ सय ६७ रूपैयाँ ७० पैसामा झरेकाे छ । 

सेयर तालिका हेर्नुहाेस् :