किसान लघुवित्तको संस्थापक सेयर बिक्रीमा

लगानी खबर, काठमाडाैँ - किसान लघुवित्त वित्तीय संस्था लिमिटेडले केही संस्थापक सेयरहरू बिक्री गर्ने भएकाे छ ।

संस्थाले यसअघि एक सूचना प्रकाशन गर्दै संस्थाका विद्यमान संस्थापक शेयरधनीहरुलाई ३५ दिनभित्र उक्त सेयर खरीद गर्न आह्वान गरेकोमा संस्थापकहरुबाट कुनै पनि निवेदन प्राप्त नभएकाले अब अन्य इच्छुक व्यक्ति वा संस्थालाई उक्त सेयर बिक्री गर्न लागेको हो ।

उक्त सेयर खरिद गर्न इच्छुक व्यक्ति वा संस्थाले सूचना प्रकाशन भएकाे मितिले ७ दिनभित्र आवश्यक कागजपत्र संकलन गरेर के कति कित्ता सेयर खरिद गरी लिने हाे साेकाे व्यहाेरा खुलाई संस्थाकाे केन्द्रीय कार्यालय, धनगढी-२, कैलाली वा कम्पनीको कर्पोरेट कार्यालय बूढानीलकण्ठ-८, काठमाडौंमा आइपुग्ने गरी निवेदन दिन सक्नेछन् ।