नेप्से ओरालो यात्रामा, एक कम्पनीको सेयरमूल्यमा सकारात्मक सर्किट

लगानी खबर, काठमाडौं - कारोबार हप्ताको पहिलो दिन आज (आइतबार) नेपाल स्टक एक्सचेन्ज (नेप्से) घटिरहेको छ । बजार घटिरहँदा जाल्पा सामुदायिक लघुवित्त वित्तीय संस्था लिमिटेडको सेयरमूल्यमा भने सकारात्मक सर्किट लागेको हो । 

कम्पनीको सेयर मूल्य आज १० प्रतिशतले बढेर १ हजार ६ सय ७२ रुपैयाँ ६० पैसा पुगेको छ । 

यो समाचार तयार पार्दासम्म नेप्से परिसूचक ३१.८८ अंकले घटेर २२०६.७५ विन्दुमा झरेको छ । त्यस्तै २ दुई सय २१ कम्पनीको १० लाख १९ हजार १ सय ८२ कित्ता सेयर खरिद बिक्री हुँदा ४२ करोड ८२ लाख १६ हजार ८ सय ८२ रुपैयाँको कारोबार भएको छ । 

त्यस्तै यूनियन हाइड्रोपावर लिमिटेडको सेयरमूल्य सर्वाधिक घटेको छ भने सिटिजन इन्भेष्टमेन्ट ट्रष्टको सर्वाधिक कारोबा भएको छ ।