नेप्सेमा नेष्डो समृद्ध लघुवित्तको ओरालो यात्रा सुरु, दुई कम्पनीको सेयरमूल्यमा सकारात्मक सर्किट

लगानी खबर, काठमाडौं - नेपाल स्टक एक्सचेञ्ज (नेप्से) मा कारोबार सुरू भएको दिनबाट निरन्तर बढ्दै गइरहेको नेष्डो समृद्ध लघुवित्त वित्तीय संस्था लिमिटेडको सेयरमूल्य आज (बैशाख ७ गते, बुधबार) भने ओरालो लागेको छ ।

यस समाचार तयार पार्दासम्म कम्पनीको सेयरमूल्य १० प्रतिशतले घटेर प्रतिकित्ता दुई हजार १ सय १० रूपैयाँ ३० पैसामा झरेको छ ।

त्यस्तै दुई कम्पनीको सेयरमूल्यमा सकारात्मक सर्किट लागेको छ । आज ग्रिन भेन्चर्स लिमिटेड र जाल्पा सामुदायिक लघुवित्त वित्तीय संस्थाको सेयरमूल्यमा सकारात्मक सर्किट लागेको हो । 

ग्रिन भेन्चर्स लिमिटेडको सेयरमूल्य आज ९.९९ प्रतिशतले बढेर ३ सय २८ रुपैयाँ पुगेको छ । जाल्पा सामुदायिक लघुवित्त वित्तीय संस्थाको सेयरमूल्य आज ९.९९ प्रतिशतले बढेर ६ सय ४५ रुपैयाँ २० पैसा पुगेको छ ।