आईपीओ निष्कासन गर्न दुई लघुवित्तले दिए बोर्डमा निवेदन

लगानी खबर, काठमाडौं - साधारण सेयर (आईपीओ) निष्कासन गर्न विभिन्न दुई लघुवित्तले नियामक निकाय धितोपत्र बोर्डमा निवेदन दिएका छन् । बोर्डमा आत्मनिर्भर लघुवित्त वित्तीय संस्था लिमिटेड र अभियान लघुवित्त वित्तीय संस्था लिमिटेडले निवेदन दिएका हुन् । 

आत्मनिर्भर लघुवित्त वित्तीय संस्था लिमिटेडले दुई करोड तीन लाख ३८ हजार रुपैयाँ बरावरको दुई लाख तीन हजार तीन सय ८० कित्ता सेयर निष्कासन गर्न सेबोनमा निवेदन दिएको हो ।

कम्पनीको आईपीओ निष्कासन तथा बिक्री प्रबन्धकको काम सन्राइज क्यापिटल लिमिटेडले गर्नेछ । 

त्यस्तै, अभियान लघुवित्त वित्तीय संस्था लिमिटेडले नौ करोड ७५ लाख रुपैयाँ बराबरको नौ लाख ७५ हजार कित्ता सेयर निष्कासन गर्न सेबोनमा निवेदन दिएको हो । 

कम्पनीको आईपीओ निष्कासन तथा बिक्री प्रबन्धकको काम मुत्तिनाथ क्यापिटल लिमिटेडले गर्नेछ ।