शेयर बजारमा देखियाे यस्तो माहोल !!

लगानी खबर, काठमाडौं – साताकाे अन्तिम दिन आज (बिहीबार) शेयर बजारमा राम्रै माहाेल छाएकाे छ । बिहीबार शेयर बजार दोहोरो अंकले बढेको छ ।

नेपाल स्टक एक्सचेञ्जका अनुसार बिहीबार शेयर कारोबार मापक नेप्से परिसूचक ३०.७८ अंकले बढेर एक हजार ५७२.१८ मा पुगेकाे छ । नेप्से २ प्रतिशतले बढेकाे हो । यस्तै सेन्सेटिभ परिसूचक ७.०२ अंकले बढेर ३१२.५० मा पुगेको छ ।

कूल १९१ वटा कम्पनीकाे १ कराेड १८ लाख ३ सय ४ कित्ता शेयर खरिदबिक्री हुँदा ३ अर्ब ३१ करोड ५६ लाख ६४ हजार ३ सय १९ रुपैयाँको कारोबार भएकाे नेप्सेले जनाएकाे छ ।

स्टकका अनुसार कारोबार भएका कूल १२ उपसमूहमध्ये आज ११ वटा उपसमूहकाे शेयर बढेकाे छ भने बाँकी एउटा उपसमूहकाे शेयर मात्र घटेकाे छ ।

   हेराैं आजकाे शेयर तालिका :