आइएमई जनरल इन्स्योरेन्सकाे हकप्रद सुरक्षित गर्ने आज अन्तिम दिन

लगानी खबर, काठमाडाैँ - आइएमई जनरल इन्स्योरेन्स कम्पनी लिमिटेडकाे हकप्रद सेयर सुरक्षित गर्ने आज माघ २७ गते, बिहीबार अन्तिम दिन रहेकाे छ ।

कम्पनीले हकप्रद प्रयाेजनका लागि फागुन १ गते, आइतबार बुकक्लाेज गर्ने निर्णय गरेकाे छ । त्यसैले, आज माघ २७ गते, बिहीबारसम्म नेपाल स्टक एक्सचेञ्ज (नेप्से) मा काराेबार भई कायम हुने सेयरधनीहरूले मात्र हकप्रद सेयर भर्न सक्नेछन् ।

कम्पनीले १ः०.४० अनुपातमा हकप्रद सेयर निष्कासन गर्न लागेको हो । कम्पनीले चुक्ता पूँजीकाे ४० प्रतिशत अर्थात ४६ करोड ३० लाख ३४ हजार ४०० रुपैयाँ बराबरको ४६ लाख ३० हजार ३ सय ४४ कित्ता हकप्रद सेयर निष्कासन गर्नेछ ।

कम्पनीले हकप्रद सेयर निष्कासनका लागि बिक्री प्रबन्धकमा ग्लोबल आइएमई क्यापिटल लिमिटेडलाई नियुक्त गरेको छ ।