संस्थापक सेयर बिक्री गर्दै लुम्बिनी विकास बैंक

लगानी खबर, काठमडौं - लुम्बिनी विकास बैंक लिमिटेडले संस्थापक समूहको सेयरहरू बिक्री गर्ने भएको छ । बैंकको संस्थापक सेयरधनीले आफ्नो नाममा रहेको ४० हजार कित्ता स्थापक सेयरहरु बिक्री गर्न निवेदन दिएकाले बैंकले उक्त्त सेयरहरु बिक्री गर्न लागेको हो । 

बैंकले एक सूचना प्रकाशन गर्दै नेपाल राष्ट्र बैंकको निर्देशन बमोजिम सर्वप्रथम बैंकका संस्थापक सेयरधनीहरुलाई नै प्राथमिकता दिनुपर्ने भएकाले संस्थापक सेयर खरिद गर्न इच्छुक संस्थापक सेयरधनीहरुलाई सूचना प्रकाशन भएको मितिले ३५ दिनभित्र आवश्यक कागजपत्र संकलन गरेर बैंकको केन्द्रिय कार्यालय, डिल्लीबजार, काठमाडौँमा आइपुग्ने गरी निवेदन दिन आग्रह गरेको छ ।

त्यस्तै, तोकिएको समय अवधिभित्र विद्यमान संस्थापकहरुको आवेदन नआएमा प्रचलित कानून बमोजिम सेयर बिक्री प्रक्रिया अगाडि बढाउने पनि बैंकले जनाएको छ । 

सूचना हेर्नुहोस् :