यी हुन् आज सर्वाधिक कारोबार गर्ने १० कम्पनी

लगानी खबर, काठमाडौं - आज (बुधबार) सेयर बजारमा गिरावट आएको छ । नेपाल स्टक एक्सचेञ्जका अनुसार आज सेयर कारोबार मापक नेप्से परिसूचक ३८.३५ अंकले घटेर २८९८.३१ विन्दुमा झरेको छ ।

गिरावट आएको बजारमा आज पनि अपि पावर कम्पनी लिमिटेडकै सर्वाधिक कारोबार भएको छ । आज कम्पनीको २० करोड ३२ लाख २१ हजार २ सय ९७ रूपैयाँको कारोबार भएको छ । अघिल्लो दिन पनि अपि पावर कम्पनी लिमिटेडकै सर्वाधिक कारोबार भएको थियो । 

त्यस्तै, सर्वाधिक कारोबार गर्ने अन्य कम्पनीहरुमा क्रमश : अरुण भ्याली हाइड्रोपावर, हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी लिमिटेड, अपर तामाकोशी हाइड्रोपाव, सुर्या लाइफ इन्स्योरेन्स, एनआसी एशिया बैंक, सांग्रिला डेभलपमेन्ट बैंक, हिमालयन डिष्टिलरी लिमिटेड, नेपाल टेलिकम र सेञ्चुरी कमर्सियल बैंक लिमिटेड रहेका छन् ।