सेयर बजारमा रौनकता, हाइड्रोमा लगानीकर्ताको आकर्षण

लगानी खबर, काठमाडौं - यस महिनाको अन्तिम कारोबार दिन आज (बिहीबार) सेयर बजारमा रौनकता छाएको छ । अघिल्लो दिन ३०.५१ अंकले घटेको सेयर बजारमा आज भने वृद्धि देखिएको हो । बजार बढ्दा हाइड्रोपावरमा लगानीकर्ताको आकर्षण बढेकाे छ ।

नेपाल स्टक एक्सचेञ्जका अनुसार आज सेयर कारोबार मापक नेप्से परिसूचक ५४.१२ अंकले बढेर २८५७.७५ विन्दुमा पुगेको छ । नेप्से १.९३ प्रतिशतले बढेको हो । यता सेन्सेटिभ परिसूचक पनि ९.९४ अंकले बढेर ५३०.८३ विन्दुमा पुगेको छ ।  

कूल २२४ वटा कम्पनीको १ करोड १८ लाख ३४ हजार २ सय १६ कित्ता सेयर खरिदबिक्री हुँदा ६ अर्ब ६६ करोड ९७ लाख ४८ हजार ५ सय ६८ रुपैयाँको कारोबार भएको नेप्सेले जनाएको छ । 

कारोबार भएका कूल १३ उपसमूहमध्ये आज अन्य उपसमूहहरुको सेयर घटेको छ भने बाँकी १२ उपसमूहहरुको सेयर बढेको छ । आज सबैभन्दा धेरै हाइड्रोपावर समूहको सेयर बढेको छ । 

बजार बढ्दा कारोबार रकममा अपर तामाकोशी हाइड्रोपावर लिमिटेड अब्बल देखिएको छ । आज हाइड्रोपावरको ३४ करोड ३१ लाख ४३ हजार २ सय ४५ रूपैयाँको कारोबार भएको छ । 

बिहीबार मध्य भोटेकोशी जलविद्युत कम्पनी लिमिटेडको सेयर मूल्य सर्वाधिक बढेको छ । आज कम्पनीको सेयर मूल्य ९.९८ प्रतिशतले बढेर ३ सय ७९ रुपैयाँ २० पैसामा अन्तिम कारोबार भएको छ । 

त्यस्तै, आज नबिल डिबेञ्चर २०८५ को मूल्य सर्वाधिक घटेको छ । आज डिबेञ्चरको मूल्य २.०३ प्रतिशतले घटेर ९ सय १ रुपैयाँ ३० पैसामा अन्तिम कारोबार भएको छ । 

हेर्नुहोस् आजको तालिका  :