आज यी तीन कम्पनीको लाभांश सुरक्षित गर्ने अन्तिम दिन

लगानी खबर, कामठमाडौं - तीन वटा कम्पनीको लाभांश सुरक्षित गर्ने आज (पौष १३ गते, मंगलबार) अन्तिम दिन रहेको छ । आज नेपाल पुनर्बीमा, मित्तेरी डेभलपमेन्ट बैंक र उन्नति सहकार्य लघुवित्तको लाभांश सुरक्षित गर्ने आज अन्तिम दिन हो । 

नेपाल पुनर्बीमा कम्पनीको सञ्चालक समितिको बैठकले कम्पनीको चुक्ता पुँजीको १६.५० प्रतिशत बोनस र कर प्रयोजनको लागि २.५० प्रतिशत नगद गरी कुल १९ प्रतिशत लाभांश वितरण गर्ने प्रस्ताव गरेको छ ।

कम्पनीको वार्षिक पाचौँ वार्षिक साधारण सभा पौष २२ गते, बिहीबार, कार्की ब्याङ्क्वेट, बबरमहल, काठमाडौँमा बिहान ११ बजेदेखि सुरू हुनेछ । सभामा कम्पनीले सञ्चालक समितिले निर्णय गरे अनुसार चुक्ता पुँजीको १६.५० प्रतिशत बोनस र कर प्रयोजनको लागि २.५० प्रतिशत नगद गरी कुल १९ प्रतिशत लाभांश वितरण गर्ने प्रस्ताव सहित अन्य प्रस्तावहरु समेत पारित गरिनेछ ।

मित्तेरी डेभलपमेन्ट बैंक लिमिटेडको आज सम्म कायम सेयर धनीहरुले मात्र गत आर्थिक बर्षको मुनाफाबाट प्रस्तावित लाभांश प्राप्त गर्ने छन् । बैंकको सञ्चालक समितिको बैठकले गत आर्थिक वर्ष बैंकले  आर्थिक वर्ष ७७/७८ को मुनाफाबाट  हाल कायम चुक्ता पुंजीको १३.३० प्रतिशत बोनस शेयर र कर प्रयोजनको लागि  ०.७० प्रतिशत नगद लाभांश गरी कूल १४ प्रतिशत लाभांश वितरण गर्ने प्रस्ताव गरेको छ ।

बैंकको चौधौँ वार्षिक साधारण सभा पुष २८ गते, सुनसरी उद्योग वाणिज्य संघ धरान १ सुनसरीमा बिहान ११ः१५ बजेदेखि सुरू हुनेछ । सभाले  बैंक र अन्य उपयुक्त बैंक वा वित्तीय संस्थाहरु एक आपसमा गाभ्ने गाभिने वा प्राप्ति गर्न गराउन वा उपयुक्त देखिएको अवस्थामा वैदेशिक रणनीतिक साझेदारीमा जानका लागि चल अचल सम्पत्ती तथा दायित्व र कारोबारको मूल्याङ्कन गर्न तथा गाभ्ने वा गाभिने तथा प्राप्ति गर्ने सम्बन्धीको प्रारम्भिक तथा अन्तिम सम्झौता गर्न र सो प्रक्रिया पूरा गर्न आवश्यक पर्ने सम्पूर्ण कार्य गर्नका लागि संचालक समितिलाई अख्तियारी प्रदान गर्नेछ ।

उन्नति सहकार्य लघुवित्त वित्तीय संस्था लिमिटेडले गत आर्थिक वर्ष २०७७/७८ को मुनाफाबाट संस्थाका शेयरधनीहरूलाई चुक्ता पूँजीको ३० प्रतिशत बोनस सेयर वितरण गर्ने वितरण गर्ने प्रस्ताव गरेको छ । । साविकको उन्नति लघुवित्त वित्तीय संस्था र सहकार्य लघुवित्त वित्तीय संस्थाबीच मर्जरपछि गत वर्ष असार २६ गतेदेखि उन्नति सहकार्य लघुवित्तका नाममा एकिकृत कारोबार थालेका हुन् । कम्पनी हालै मर्जर प्रक्रियामा गएकाले कम्पनीले वितरण गर्ने बोनस सेयरमा कर लाग्दैन । 

संस्थाको पौष ३ गते, शनिबार बसेको सञ्चालक समितिको बैठकले गरेको निर्णय अनुसार संस्थाको सातौँ वार्षिक साधारण सभा पौष २८ गते, बुधबार, होटल मौर्या, रूपन्देहीमा बिहान ११ बजेदेखि सुरू हुनेछ । बोनस सेयर वितरण पश्चात् सर्वसाधारण सेयर स्वामित्व अनुपात ३०५ कायम गर्न एफपीओ निष्कासन गर्ने प्रस्ताव पनि पारित गरिनेछ ।