खानी खोला हाइड्रोपावरले बोलायो संयुक्त साधारण सभा, यस्ता छन् पारित हुने एजेन्डा

लगानी खबर, काठमाडौं - खानी खोला हाइड्रोपावर कम्पनी लिमिटेडले वार्षिक साधारण सभा आह्वान गरेको छ । 

हाइड्रोपावरको हिजो मंसिर २९ गते (बुधबार) बसेको सञ्चालक समितिको बैंठकको निर्णय अनुसार हाइड्रोपावरको सातौं, आठौं र नवौं वार्षिक साधारण सभा पौस ३० गते (शुक्रबार) हुनेछ । 

सभामा आ.व २०७५/७६ २०७६/७७ र आ. व. २०७७/७८ को सञ्चालक समितिको तर्फबाट अध्यक्षको प्रतिवेदन पारित गर्ने, आ.व २०७५/७६ २०७६/७७ र आ. व. २०७७/७८ को लेखापरीक्षण प्रतिवेदन सहितको वासलात तथा नाफा नोक्सान हिसाव परित गर्ने, आगामी आ.व. २०७८/७९ को लागि लेखापरीक्षकको नियुक्ति तथा निजको पारिश्रमिक निर्धारण गर्ने लगायतका प्रस्तावहरु पारित गरिने छ । 

त्यस्तै हाइड्रोपावरले साधारण सभा प्रयोजनका लागि पौष ९ गते देखि ३० गते सम्म बुकक्लोज गर्ने निर्णय गरेको छ । त्यसैले, पौष २९ गते (बिहीबार) सम्म नेपाल स्टक एक्सचेञ्ज (नेप्से) मा कारोबार भई कायम रहेका शेयरधनीहरूले मात्र साधारण सभामा भाग लिन सक्नेछन् । 

सूचना हेर्नहोस् :