सेयर बजारमा पहिरो, कारोबार रकममा नबिल बैंक अब्बल

लगानी खबर, काठमाडौँ - कारोबार हुने हप्ताको दोस्रो दिन आज (सोमबार) पनि सेयर बजारमा भारी अंकको गिरावट आएको छ । बजारमा गिरावट आउँदा सबै उपसमूह राताम्मै देखिएका छन् । अघिल्लो दिन पनि सेयर बजारमा ८८.७० अंकको गिरावट आएको थियो । 

नेपाल स्टक एक्सचेञ्जका अनुसार आज सेयर कारोबार मापक नेप्से परिसूचक ७९.२३ अंकले घटेर २२८२ विन्दुमा झरेको छ । नेप्से ३.३६ प्रतिशतले घटेको हो । यता सेन्सेटिभ परिसूचक भने १२.४७ अंकले घटेर ४३७.५९ विन्दुमा झरेको छ ।  

कूल २३३ वटा कम्पनीको ९६ लाख ७९ हजार ७२ कित्ता सेयर खरिदबिक्री हुँदा ३ अर्ब ९९ करोड ५६ लाख ४ हजार १ सय ७८ रुपैयाँको कारोबार भएको नेप्सेले जनाएको छ । 

कारोबार भएका कूल १३ उपसमूहमध्ये आज सबै उपसमूहको सेयर घटेको छ । आज सबैभन्दा धेरै फाइनान्सस समूहको सेयर घटेको छ । 

आज नबिल बैंक लिमिटेड सर्वाधिक कारोबार भएको छ । आज बैंकको १८ करोड ३ लाख ५९ हजार ३ सय २ रूपैयाँको कारोबार भएको छ । 

सोमबार गोर्खाज फाइनान्स लिमिटेडको सेयरमूल्य सर्वाधिक बढेको छ । आज कम्पनीको सेयर मूल्य ९.४७ प्रतिशतले बढेर ७ सय ७१  रुपैयाँ ९० पैसामा अन्तिम कारोबार भएको छ । त्यस्तै स्वभिमान लघुवित्त वित्तीय संस्था लिमिटेडको सेयरमूल्य सर्वाधिक घटेको छ । आज कम्पनीको सेयर मूल्य ९.९९ प्रतिशतले घटेर १ हजार ६ सय ९३ रुपैयाँ ९० पैसामा अन्तिम कारोबार भएको छ । 

हेरौं आजको तालिका  :