नेप्सेमा नेपाल इन्भेष्टमेन्ट बैंकको सेयरमूल्य समायोजन

लगानी खबर, काठमाडौं - नेपाल स्टक एक्सचेञ्ज (नेप्से) मा नेपाल इन्भेष्टमेन्ट बैंक लिमिटेडको सेयरमूल्य समायोजन भएको छ ।

बैंकको १२.६११ प्रतिशत बोनस सेयर पछि नेप्सेले प्रतिकित्ता ४ सय ८ रूपैयाँ ४९ पैसा कायम हुने गरी सेयरमूल्य समायोजन गरेको हो । नेप्सेले आइतबारको अन्तिम कारोबार मूल्य ४ सय ६० रुपैयाँका आधारमा मूल्य समायोजन गरेको हो ।

बैंकले गत आर्थिक वर्ष २०७७/७८ को मुनाफाबाट बैंकका शेयरधनीहरूलाई चुक्ता पूँजीको १२.६१११ प्रतिशत बोनस सेयर र कर प्रयोजनका लागि ३.३८९ प्रतिशत नगद लाभांश वितरण गर्ने घोषणा गरेको थियो ।