नेप्से परिसूचकसँगै घट्याे काराेबार रकम, काराेबारमा महालक्ष्मी विकास बैंक अब्बल

लगानी खबर, काठमाडौँ  - कारोबार हुने हप्ताको पहिलो दिन आज (आइतबार) सेयर बजारमा गिरावट आएको छ । गएको (बिहीबार) पनि सेयर बजार मापक नेप्से परिसूचक ३२.४९ अंकले घटेको थियो । 

नेपाल स्टक एक्सचेञ्जका अनुसार आज सेयर कारोबार मापक नेप्से परिसूचक ११.६० अंकले घटेर २७५७.५३ विन्दुमा झरेको छ । नेप्से ०.४२ प्रतिशतले घटेको हो । यता सेन्सेटिभ परिसूचक पनि ३.७५ अंकले घटेर ५१८.२५ विन्दुमा झरेको छ । 

कूल २२५ वटा कम्पनीको ७८ लाख ९४ हजार ४ सय ६८ कित्ता सेयर खरिदबिक्री हुँदा ४ अर्ब ३५ करोड ७३ लाख ९ हजार ३ सय १९ रूपैयाँ बराबरको कारोबार भएको नेप्सेले जनाएको छ ।

कारोबार भएका कूल १३ उपसमूहमध्ये आज दुई उपसमूहको सेयर बढेको छ भने बाँकी ११ उपसमूहको सेयर घटेको छ । आज सबैभन्दा धेरै व्यापार समूहको सेयर घटेको छ । 

आज महालक्ष्मी विकास बैंक लिमिटेडले सर्वाधिक कारोबार गरेको छ । आज बैंकको ५० करोड ९९ लाख ९२ हजार ३ सय ३२ रूपैयाँ बराबरको कारोबार भएको छ । 

आइतबार नारायणी डेभलपमेन्ट बैंक लिमिटेड र मानुषी लघुवित्त वित्तीय संस्था लिमिटेडको सेयरमूल्यमा सकारात्मक सर्किट लागेको छ । आज तेह्रथुम पावर कम्पनी लिमिटेडका लगानीकर्ताले सबैभन्दा धेरै गुमाएका छन् ।

हेरौं आजको तालिका :