नेप्से अपडेट : दुई कम्पनीको सेयरमूल्यमा सकारात्मक सर्किट

लगानी खबर, काठमाडौं  - कारोबार हुने हप्ताको पहिलो दिन आज (आइतबार) नेपाल स्टक एक्सचेञ्ज (नेप्से)मा दुई कम्पनीको सेयर मूल्यमा सकारात्मक सर्किट लागेको छ । 

आज नारायणी डेभलपमेन्ट बैंक लिमिटेड र मानुषी लघुवित्त वित्तीय संस्था लिमिटेडको सेयर मूल्यमा सकारात्मक सर्किट लागेको हो । नारायणी डेभलपमेन्ट बैंक लिमिटेडको सेयर मूल्य आज १० प्रतिशतले बढेर ९ सय ५२ रूपैयाँ ६० पैसा पुगेको छ । मानुषी लघुवित्त वित्तीय संस्था लिमिटेडको सेयर मूल्य १० प्रतिशतले बढेर १ हजार ६ सय ४४ रूपैयाँ ८० पैसा पुगेको छ ।

यो समाचार तयार पार्दासम्म नेप्से परिसूचक ७.६७ अंकले घटेर २७६१.४६ विन्दुमा पुगेको छ । यस्तै १ अर्ब ७१ करोड ४ लाख ६८ हजार ३ सय ९२ रुपैयाँको कारोबार भएको छ ।