सुनको मूल्यमा गिरावट, तोलामा कति पुग्यो ?

लगानी खबर, काठमाडौं - आज बुधबार नेपाली बजारमा सुन-चाँदीको मूल्य घटेको छ । 

नेपाल सुनचाँदी व्यवसायी महासंघका अनुसार मंगलबार छापावाल सुन प्रतितोला ९४ हजार आठ सय रुपैयाँ कायम भएकोमा आज ५ सय रुपैयाँले घटेर प्रतितोला ९४ हजार ३ सय रुपैयाँ कायम भएको हो ।

त्यसैगरी, तेजाबी सुन प्रतितोला ९३ हजार ८ सय रुपैयाँ कायम भएको छ । 

आज चाँदीको मूल्यमा १० रुपैयाँले घटेर प्रतितोला एक हजार दुई सय ८० रुपैयाँ कायम भएको छ । हिजो मंगलबार चाँदीको मूल्य प्रतितोला एक हजार दुई सय ९० रुपैयाँ कायम भएको थियो ।