जीवन विकास लघुवित्तकाे ईपीएस ११६.११ रुपैयाँ पुग्याे, नाफासहित अन्य सूचकमा आकर्षक वृद्धि

लगानी खबर, काठमाडाैँ - जीवन विकास लघुवित्त वित्तीय संस्था लिमिटेडले चालु आर्थिक वर्ष २०७८/७९ को पहिलो त्रैमाससम्मको अपरिष्कृत वित्तिय विवरण सार्वजनिक गरेको छ ।

उक्त विवरण अनुसार चालु आर्थिक वर्षको पहिलो त्रैमाससम्म आइपुग्दा संस्थाले १७ करोड ६६ लाख ९ हजार रुपैयाँ खुद नाफा आर्जन गर्न सफल भएकाे छ । उक्त नाफा रकम गत वर्षकाे सोही अवधिको तुलनामा ३५.३९ प्रतिशतले धेरै हाे । गत आर्थिक वर्षकाे यसै अवधिमा संस्थाले १३ करोड ४ लाख ४६ हजार रुपैयाँ खुद नाफा आर्जन गरेकाे थियो ।

पहिलो त्रैमाससम्म आइपुग्दा संस्थाले ३८ करोड ३४ लाख ९३ हजार रुपैयाँ खुद व्याज आम्दानी गरेको छ । उक्त आम्दानी गत वर्षकाे यसै अवधिकाे तुलनामा ४४.२७ प्रतिशतले धेरै हाे । गत आर्थिक वर्षकाे यसै अवधिमा संस्थाले २६ करोड ५८ लाख २० हजार रुपैयाँ खुद व्याज आम्दानी गरेको थियाे ।

समिक्षा अवधिमा संस्थाले १५ करोड ८३ लाख १४ हजार रुपैयाँ सञ्चालन नाफा कमाएकाे छ । गत वर्ष संस्था ३ कराेड ९६ लाख ८३ हजार रूपैयाँ सञ्चालन नाेक्सानमा रहेकाे छ । 

त्यसैगरी, संस्थाकाे प्रतिसेयर आम्दानी १ सय १६ रूपैयाँ ११ पैसा रहेकाे छ । संस्थाकाे प्रतिसेयर नेटवर्थ ३ सय ७१ रूपैयाँ ७७ पैसा रहेकाे छ । संस्थाको चुक्ता पूँजी ६० कराेड ४० लाख रूपैयाँ छ । संस्थाकाे जगेडा कोषमा १ अर्ब ४९ करोड ७१ लाख ५७ हजार रुपैयाँ सञ्चित छ ।

संस्थाकाे वित्तीय विवरण हेर्नुहाेस् :