सेयर बजारको ओरालो यात्रामा निरन्तरता, घट्याे काराेबार रकम

लगानी खबर, काठमाडाैँ - सेयर बजारको ओरालो यात्रामा निरन्तरता देखिएकाे छ । बिहीबार पनि नेप्से परिसूचक सँगसँगै काराेबार रकम पनि घटेकाे छ । 

नेपाल स्टक एक्सचेञ्जका अनुसार आज (बिहीबार) सेयर कारोबार मापक नेप्से परिसूचक ५९.५७ अंकले घटेर २६९०.२९ विन्दुमा झरेकाे छ । नेप्से २.१७ प्रतिशतले घटेकाे हो । यता सेन्सेटिभ परिसूचक पनि १०.६३ अंकले घटेर ५०२.१९ विन्दुमा झरेको छ । कूल २२५ वटा कम्पनीकाे ९४ लाख ७५ हजार ९ सय ३६ कित्ता सेयर खरिदबिक्री हुँदा ५ अर्ब ११ करोड ९६ लाख २ हजार ५ सय ४० रूपैयाँ बराबरको कारोबार भएकाे छ । कारोबार भएका कूल १३ उपसमूहमध्ये आज सबै उपसमूहकाे सेयर घटेको छ ।

त्यसैगरी, आज मानुषी लघुवित्त वित्तीय संस्था लिमिटेडकाे सेयरमूल्यमा सकारात्मक सर्किट लागेकाे छ । कम्पनीकाे सेयरमूल्य १० प्रतिशतले बढेर ९ सय २८ रूपैयाँ ७० पैसा पुगेकाे छ । तेह्रथुम पावर कम्पनी लिमिटेडकाे सेयरमूल्य पनि ९.९९ प्रतिशतले बढेकाे छ ।