६९.५१ अंकले घट्याे सेयर बजार, नबिल बैंक काराेबारमा अब्बल

लगानी खबर, काठमाडाैँ - आज (साेमबार) सेयर बजारमा भारी गिरावट देखिएकाे छ । 

नेपाल स्टक एक्सचेञ्जका अनुसार आज (साेमबार) सेयर कारोबार मापक नेप्से परिसूचक ६९.५१ अंकले घटेर २५८७.४५ विन्दुमा झरेकाे छ । नेप्से २.६२ प्रतिशतले घटेकाे हो । यता सेन्सेटिभ परिसूचक पनि १२.४३ अंकले घटेर ४८४.९३ विन्दुमा झरेको छ । 

कूल २१८ वटा कम्पनीकाे ८७ लाख ७६ हजार ३ सय ३७ कित्ता सेयर खरिदबिक्री हुँदा २ अर्ब ९६ करोड ६८ लाख ९९ हजार ७ सय ९१ रूपैयाँ बराबरको कारोबार भएकाे नेप्सेले जनाएकाे छ ।

त्यसैगरी, स्टकका अनुसार कारोबार भएका कूल १३ उपसमूहमध्ये आज व्यापार बाहेक बाँकी सबै वटा उपसमूहकाे सेयर घटेको छ ।