बुद्धभुमि नेपालको आईपीओ शुक्रबार बाँडफाँड हुँदै

लगानी खबर, काठमाडाैँ - बुद्धभुमि नेपाल हाइड्रोपावर लिमिटेडकाे आईपीओकाे बाँडफाँड भाेलि (असाेज २२ गते, शुक्रबार) हुने भएकाे छ । उक्त आईपीओकाे बाँडफाँड शुक्रबार बिहान १०:३० बजे निष्कासन तथा बिक्री प्रबन्धक सिभिल क्यापिटलकाे कार्यालयमा हुनेछ ।

कम्पनीले प्रतिकित्ता १०० रुपैयाँका दरले ८ करोड रुपैयाँ बराबरको ८ लाख कित्ता आईपीओ निष्कासन तथा बिक्री खुल्ला गरेको थियाे । जसमध्ये ५ प्रतिशत अर्थात ४० हजार कित्ता सेयर कर्मचारीहरुका लागि, २ प्रतिशत अर्थात १६ हजार कित्ता सेयर सामूहिक लगानी कोषका लागि र सर्वसाधारणहरूका लागि बाँकी ७ लाख ४४ हजार कित्ता छुट्याइएको थियाे ।

अन्तिम दिनसम्म २१ लाख ११ हजार ८ सय १९ जना आवेदकहरूले २ कराेड ६५ लाख ३१ हजार ४० कित्ताका लागि आवेदन दिएका थिए । माग भन्दा धेरैको आवेदन परेको हुनाले कम्पनीको आईपीओ गोलाप्रथाबाट बाँडफाँड हुनेछ । जसअनुसार ७४ हजार ४ सय आवेदकले मात्र १० कित्ताको दरले सेयर पाउने छन् । बाँकी २० लाख ३७ हजार भन्दा धेरैकाे भने हात खाली हुनेछ ।