अरुण भ्यालीसहित यी १० कम्पनीको भयो सर्वाधिक कारोबार

लगानी खबर, काठमाडौं - आज (बुधबार) सेयर बजार उच्च अंकले वृद्धि भएको छ । 

नेपाल स्टक एक्सचेञ्ज (नेप्से) आज १०४.८८ अंकले बढेर २८१६.९५ विन्दुमा पुगेको छ । आज नेप्से परिसूचक ३.८७ प्रतिशतले बढेको हो । 

बढेको बजारमा आज पनि सबै भन्दा धेरै कारोबार गर्ने कम्पनीहरुको पहिलो नम्बरमा अरुण भ्याली हाइड्रोपावर डेभलपमेन्ट कम्पनी लिमिटेड रहेको छ । आज हाइड्रोपावरको २३ करोड, ३४ लाख ८५ हजार ५ सय ११ रुपैयाँको कारोबार भएको छ । 

त्यस्तै, सर्वाधिक कारोबार गर्ने अन्य कम्पनीहरुमा क्रमश : नेशनल हाइड्रोपावर कम्पनी, आरएमडिसी लघुवित्त, हिमालयन डिस्टिलरी लिमिटेड, अपि पावर कम्पनी, महालक्ष्मी विकास बैंक, सिटिजन बैंक इन्टरनेशनल लिमिटेड, सानिमा बैंक, ज्योती विकास बैंक र नेपाल बैंक रहेका छन् ।