कामना सेवा बैंकद्धारा एनआरएन बचत खाता सञ्चालनमा

लगानी खबर, काठमाडौं - कामना सेवा विकास बैंक लिमिटेडले नयाँ एनआरएन बचत खाता सञ्चालनमा ल्याएको छ । वैदेशिक रोजगारीमा रहेका नेपाली नागरिक तथा नेपालस्थित उनीहरूका परिवारजनहरुका लागि बैंकले नयाँ बचत खाता सञ्चालनमा ल्याएको हो । 

७ प्रतिशतको उच्चतम ब्याजदर सहितको यो खातामा प्रथम वर्ष निःशुल्क मोबाईल तथा ईन्टरनेट बैंकिङ्गको सुविधा रहेको छ । उक्त बचत खाता सञ्चालन पश्चात अब विदेशमा रहेका नेपाली नागरिकले रेमिट्यान्स तथा बैंकिङ प्रणालीबाट नेपालमा आफ्नो परिवारलाई पठाएको पैसालाई यो खातामा जम्मा गर्न सक्नेछन् । 

त्यस्तै, यस खाता मार्फत खोलिने मुद्दती निक्षेपमा ०.५ प्रतिशत थप ब्याज पनि पाइनेछ । यो खाता अनलाईन माध्यमबाट पनि खोल्न सकिनेछ ।