अप्पर तामाकोशीले डाक्यो दुई आर्थिक बर्षको साधारणसभा

लगानीखबर, काठमांडौ- अप्पर तामाकोशी हाइड्रोपावरले गत दुई आर्थिक बर्षको बार्षिक साधारणसभा आह्वान गरेको छ । भदौ १७ गते बसेको सञ्चालक समितीको बैठकले कम्पनीको १२ औँ र १३ औँ बार्षिक साधारणसभा असोज १९ गते गर्ने निर्णय गरेको हो । 

कम्पनीको आर्थिक वर्ष २०७५/७६ र २०७६/७७ को १२ औँ र १३ औँ वार्षिक साधारणसभा भर्चुअल माध्यमबाट बिहान ११ः३० बजे सुरु हुने कम्पनीले जनाएको छ ।

सभाले दुवै आर्थिक वर्षको वार्षिक, लेखापरीक्षकको प्रतिवेदनलगायतका महत्वपूर्ण प्रतिवेदनहरु पनि सभाले अनुमोदन गर्नुको साथै कम्पनीको प्रबन्धपत्र तथा नियमावलीमा संशोधन गर्ने विशेष प्रस्ताव पनि पारित गर्नेछ ।

कम्पनीले साधारणसभा प्रयोजनार्थ असोज ४ गते १ दिनका लागि बुकक्लोज गर्ने निर्णय गरेको छ । असोज १, २ र ३ गते नेप्सेमा कारोबार बन्द हुने भएकाले भदौ ३१ गतेसम्म नेप्सेमा कारोबार भई कायम सेयरधनीहरु मात्र सभामा सहभागि हसन सक्नेछन् ।