यी २ कम्पनीकाे सेयर लिलामीमा, कसरी दिने आवेदन ?

लगानी खबर, काठमाडाैँ - विभिन्न २ वटा कम्पनीकाे संस्थापक समूहकाे सेयर भाेलि (भदाै २९ गते, मंगलबार) बाट लिलाम बढाबढ गरी बिक्री खुल्ला गरिने भएकाे छ । 

ज्याेति विकास बैंक लिमिटेडको २९ हजार २ सय ५० कित्ता र प्रभु इन्स्याेरेन्स कम्पनी लिमिटेडकाे ६ हजार ३६ कित्ता संस्थापक समूहकाे सेयर लिलाम बढाबढ गरी बिक्री गरिने भएकाे हाे । ज्याेति विकास बैंककाे न्यूनतम मूल्य १४५ रूपैयाँ र प्रभु इन्स्याेरेन्स कम्पनी लिमिटेडकाे न्यूनतम मूल्य ३ सय ५० रूपैयाँ ताेकिएकाे छ ।

लगानीकर्ताले दुवै कम्पनीकाे सेयरमा न्युनतम एक हजार कित्तादेखि र अधिकतममा १० ले भाग जाने गरी सबै कित्ताको लागि कार्तिक ३ गतेसम्म आवेदन दिन सक्नेछन् । 

त्यसैगरी, कम्पनीको निष्कासन तथा बिक्री प्रबन्धक मुक्तिनाथ क्यापिटल लिमिटेड रहेको छ । लगानीकर्ताहरुले मुक्तिनाथ क्यापिटल लिमिटेड, कमलादी, काठमाडौंबाट आवेदन दिन सक्नेछन् ।

सूचना हेर्नुहाेस् :