भारी अंकले घटेको बजारमा यी हुन् सर्वाधिक सेयर मूल्य घट्ने १० कम्पनी

लगानी खबर, काठमाडौं - यस साताको पहिलो कारोबार दिन आज (आइतबार) सेयर बजारमा भारी अंकको गिरावट आएको छ । आज नेप्से परिसूचक १०८.२६ अंकले घटेर २८१८.७२ विन्दुमामा पुगेको छ । आइतबार नेप्से परिसूचक ३.७० प्रतिशतले घटेको हो । 

घटेको बजारमा आज जानकी फाइनान्स लिमिटेडका लगानीकर्ताले सबैभन्दा धेरै गुमाएका छन् । आज कम्पनीको सेयरमूल्य १० प्रतिशतले घटेर ६ सय ८५ रुपैयाँ ८० पैसामा अन्तिम कारोबार भएको छ । आज कम्पनीको सेयर मूल्यमा नकारात्मक सर्किट लागेको छ ।  

त्यसैगरी, सर्वाधिक सेयरमूल्य घट्ने अन्य कम्पनीहरुमा क्रमश : नारायणी डेभलपमेन्टको सेयरमूल्य १० प्रतिशतले घटेर ९ सय ६२ रुपैयाँ १० पैसा पुगेको छ । नेपाल फाइनान्स लिमिटेडको १० प्रतिशतले घटेर ५ सय ९७ रुपैयाँ ६० पैसा पुगेको छ । अरुण काबेली पावरको १० प्रतिशतले घटेर ५ सय ४० रुपैयाँ ९० पैसा पुगेको छ । सिइडिबी हाइड्रोपावरको सेयर १० प्रतिशतले घटेर १ हजार ६२ रुपैयाँ पुगेको छ । 

त्यसैगरी, आज समृद्धि फाइनान्सको सेयर पनि घटेको छ । आज कम्पनीको सेयर १० प्रतिशतले घटेर ५ सय ४० रुपैयाँमा पुगेको छ । गुडविल फाइनान्सको १० प्रतिशतले घटेर ८ सय २ रुपैयाँ ८० पैसा पुगेको छ । हिमालय उर्जा विकास कम्पनी लिमिटेडको १० प्रतिशतले घटेर ४ सय ७६ रुपैयाँ १० पैसा पुगेको छ । आइसि एफसि फाइनान्सको सेयर १० प्रतिशतले घटेर ८ सय ६४ रुपैयाँ ९० पैसा पुगेको छ र रुरु जलविद्युत परियोजनाको सेयर १० प्रतिशतले घटेर १ हजार ३ सय रुपैयाँ ५० पैसामा अन्तिम कारोबार भएको छ । आज यी सबै कम्पनीको सेयर मूल्यमा नकारात्मक सर्किट लागेको छ ।