नेप्सेका सीईओ चन्द्रसिंह साउदले राजिनामा दिँदै

लगानी खबर, काठमाडौं - नेपाल स्टक एक्सचेन्ज (नेप्से )का प्रमुख कार्यकारी अधिकृत (सीईओ) चन्द्रसिंह साउदले राजिनामा दिने भएका छन् । साउद राजिनामा दिन अर्थ मन्त्रालयमा पुगेका छन् । 

उनले अहिले साँझ ५ बजे नेप्सेको कार्यालयमा नै पत्रकार सम्मलेनको पनि आयोजना गरेका छन् । पत्रकार सम्मलेनमा उनले राजिनामाकाे सूचना दिन लागेका बुझिएकाे छ । उनको कार्यकाल आगामी असोज २२ गते सकिँदैछ । 

सर्वोत्तम सिमेन्टको बुक बिल्डिङ प्रक्रियामा रहेका बेला सोही कम्पनीमा आफ्नी श्रीमतिको नाममा सेयर किनेपछि सीईओ साउद विवादमा तानिएका थिए ।

उनलाई अर्थ मन्त्रालयले समेत स्पष्टीकरण सोधेको थियो । संसदको अर्थ समितिका सदस्यहरुले साउदलाई निलम्बन गरी कारवाही सुरु गर्न अर्थ मन्त्रालयको ध्यानाकर्षण गराएका थिए ।