नेप्सेमा तीन कम्पनीको सेयरमूल्यमा सकारात्मक सर्किट

लगानी खबर, काठमाडौं - कारोबार हुने हप्ताको पहिलो दिन आज (आइतबार) नेप्सेमा तीन कम्पनीको सेयरमूल्यमा सकारात्मक सर्किट लागेको छ । 

आज आइतबार खानीखोला हाईड्रोपावर, जीवन विकास लघुवित्त र यूनियल लाइफ इन्स्योरेन्सको सेयरमा सकारात्मक सर्किट लागेको हो । 

खानिखोला हाईड्रोपावरको सेयर आज १० प्रतिशतले बढेर ४ सय १८ रुपैयाँ पुगेको छ । त्यस्तै आइतबार जीवन विकास लघुवित्तको सेयरमा पनि सकारात्मक सर्किट लागेको छ । आज कम्पनीको सेयर १० प्रतिशतले बढेर २ हजार ६ सय ६८ रुपैयाँ पुगेको छ र यूनियल लाइफ इन्स्योरेन्सको सेयर १० प्रतिशतले बढेर ८ सय ५४ रुपैयाँ ७० पैसा पुगेको छ । 

यो समाचार तयार पार्दासम्म नेप्से परिसूचक ४६.०८ अंकले घटेर ३१३२.८२ विन्दुमा पुगेको छ । यस्तै १५ अर्ब ५७ करोड ९९ सय लाख २ हजार १ सय १३ रुपैयाँको कारोबार भएको छ ।