अरुण भ्यालीको नाफा बढ्दा अन्य सूचक के भयाे ?

लगानी खबर, काठमाडाैँ - अरुण भ्याली हाइड्रोपावर डेभलपमेन्ट कम्पनी लिमिटेडले गत आर्थिक वर्ष २०७७/७८ को चाैथाे त्रैमासको वित्तीय विवरण सार्वजनिक गरेको छ ।

उक्त विवरण अनुसार गत आर्थिक वर्षको चाैथाे त्रैमाससम्म आइपुग्दा कम्पनीको खुद नाफा १५.६१ प्रतिशतले बढेर ८ करोड ७ लाख ६८ हजार रुपैयाँ पुगेकाे छ । गत आर्थिक वर्षकाे यसै अवधिमा कम्पनीले ६ करोड ९८ लाख ६४ हजार रुपैयाँ खुद नाफा कमाएको थियो । 

कम्पनीको विद्युत बिक्री आम्दानी भने थाेरै प्रभावित भएकाे छ  । कम्पनीकाे विद्युत् बिक्रीबाट हुने आम्दानी २२.५६ प्रतिशत घटेर ५ करोड ३६ लाख ८ हजार रुपैयाँमा सिमित भएको छ । गत आर्थिक वर्षकाे यसै अवधिमा कम्पनीले विद्युत बिक्री आम्दानीबाट ६ करोड ९२ लाख २१ हजार रुपैयाँ आम्दानी गरेको थियो ।

हाल कम्पनीकाे चुक्ता पुँजी एक अर्ब ५७ करोड २३ लाख ५९ हजार रुपैयाँ रहेको छ । कम्पनीको जगेडा कोषमा १० करोड ७१ लाख ६५ हजार रुपैयाँ सञ्चित छ ।

त्यसैगरी, कम्पनीको प्रतिसेयर आम्दानी (वार्षिक) ५ रुपैयाँ १४ पैसा रहेको छ । कम्पनीकाे प्रतिसेयर नेटवर्थ ११५ रुपैयाँ २३ पैसा रहेको छ । कम्पनीकाे मूल्य आम्दानी अनुपात ९२.५१ गुणा रहेको छ ।

कम्पनीले सार्वजनिक गरेकाे वित्तीय विवरण यस प्रकारकाे छ :