नाडेप लघुवित्तले गर्याे लाेभलाग्दाे प्रगति

लगानी खबर, काठमाडाैँ - नाडेप लघुवित्त वित्तीय संस्था लिमिटेडले गत आर्थिक वर्ष २०७७/७८ को चाैथाे त्रैमासको वित्तीय विवरण सार्वजनिक गरेको छ । उक्त विवरण अनुसार चाैथाे त्रैमाससम्म संस्थाले लाेभलाग्दाे प्रगति गरेकाे देखिएकाे छ ।

गत आर्थिक वर्षको चाैथाे त्रैमाससम्म आइपुग्दा संस्थाले १५ करोड ६८ लाख ४८ हजार रुपैयाँ खुद नाफा आर्जन गर्न सफल भएकाे छ । उक्त नाफा रकम गत वर्षकाे सोही अवधिको तुलनामा ८३६९.११ प्रतिशतले धेरै हाे । गत आर्थिक वर्षकाे यसै अवधिमा संस्थाले १८ लाख ५२ हजार रुपैयाँ मात्र खुद नाफा आर्जन गरेकाे थियो ।

चाैथाे त्रैमाससम्म आइपुग्दा संस्थाले ४७ करोड ५७ लाख ७ हजार रुपैयाँ खुद व्याज आम्दानी गरेको छ । उक्त आम्दानी गत वर्षकाे यसै अवधिकाे तुलनामा ८७.५७ प्रतिशतले धेरै हाे । गत आर्थिक वर्षकाे यसै अवधिमा संस्थाले २५ करोड ३६ लाख १४ हजार रुपैयाँ खुद व्याज आम्दानी गरेको थियाे ।

हालसम्म संस्थाकाे सञ्चालन नाफा पनि २७०६.०५ प्रतिशतले बढेर २४ करोड ३८ लाख ७४ हजार रुपैयाँ पुगेको छ । गत आर्थिक वर्षकाे यसै अवधिमा संस्थाकाे सञ्चालन नाफा ८६ लाख ९१ हजार रूपैयाँ मात्र रहेकाे थियाे ।

त्यस्तै, संस्थाकाे चुक्ता पूँजी ४० कराेड ४८ लाख रूपैयाँ छ । संस्थाकाे जगेडा कोषमा ३६ करोड ७२ लाख ९ हजार रुपैयाँ पुगेकाे छ । संस्थाकाे प्रतिसेयर आम्दानी ३८ रुपैयाँ ७५ पैसा पुगेको छ ।

संस्थालाई डिप्रोक्स लघुवित्तले प्राप्ति गर्दैछ । साेही कारण दाेश्राे बजारमा गत पुस १७ गतेदेखि संस्थाकाे काराेबार राेक्का छ ।

संस्थाले सार्वजनिक गरेको वित्तीय विवरण यस प्रकारकाे छ :