नेप्सेमा ३ कम्पनीको सेयरमूल्यमा सकारात्मक सर्किट

लगानी खबर, काठमाडौं - यस हप्ताको पहिलो कारोबार दिन आज (आइतबार) जीवन विकास लघुवित्त वित्तीय संस्था लिमिटेडको सेयर कारोबारमा सकारात्मक सर्किट लागेको छ । आज कम्पनीको सेयर १० प्रतिशले बढेर १ हजार ८८ रुपैयाँ पुगेको छ । कालिका पावर कम्पनीको सेयर कारोबारमा पनि सर्किट लागेको छ । कम्पनीको सेयर १० प्रतिशलतले बढेर ६ सय ४३ रुपैया ५० पैसा पुगेको छ । 

त्यस्तै आज घलेम्दी हाइड्रोको सेयर पनि १० प्रतिशले बढेर ३ सय ८६ रुपैयाँ १० पैसा पुगेको छ । 

यो समाचार तयार पार्दासम्म नेप्से परिसूचक २.६१ अंकले बढेर ३०८२.४२ विन्दुमा पुगेको छ भने सेन्सेटिभ परिसूचक १.३० अंकले बढेर ५७२.२१ विन्दुमा पुगेको छ । त्यस्तै ५ अर्ब ६६ करोड २४ लाख ६२ हजार ५ सय ८३ रुपैयाँको कारोबार भएको छ ।