यी तीन कम्पनीको सेयर कारोबारमा सकारात्मक सर्किट

लगानी खबर, काठमाडौं - आज (मंगलबार) नेपाल स्टक एक्सचेन्ज (नेप्से) मा तीन कम्पनीको सेयर कारोबारमा सकारात्मक सर्किट लागेको छ । 

आज मल्टीपर्पस फाइनान्स कम्पनी, यूनाइटेड इदी मर्दी आर बि हाइड्रोपावर र यूनाइटेड मोदीहाइड्रोपावरको सेयर १० प्रतिशतले बढेको हो । यूनाइटेड इदी मर्दी हाइड्रोपावरको सेयर मूल्य १० प्रतिशतले बढेर ५ सय ८९ रुपैया ६० पैसा पुगेको छ ।  

त्यस्तै,  मल्टीपर्पस फाइनान्स कम्पनी लिमिटेडको सेयरमूल्य १० प्रतिशतले बढेको छ । आज कम्पनीको सेयरमूल्य १० प्रतिशतले बढेर ४ सय ८६ रूपैयाँ २० पैसा पुगेको छ । मंगलबार यूनाइटेड मोदी हाइड्रोपावरको सेयरमूल्य पनि १० प्रतिशतले बढेर ४ सय ७९ रुपैयाँ ६० पैसा पुगेको छ । 

त्यसैगरी,  अन्य ४ वटा कम्पनीको सेयर पनि सकारात्मक सर्किट लेभलमा कारोबार भइरहेको छ । मंगलबार हिमालय उर्जा विकास कम्पनी, युनिभर्सल पावर, ग्रिनलाईफ हाइड्रोपावर र जोशी हाइड्रोपावरको सेयर सकारात्मक सर्किट लेभलमा कारोबार भइरहेको छ ।