चालु आर्थिक वर्षको अन्तिम दिन : दाेहाेराे अंकले बढ्याे सेयर बजार

लगानी खबर, काठमाडाैँ - चालु आर्थिक वर्षको अन्तिम दिन आज (बिहीबार) सेयर बजार दाेहाेराे अंकले बढेकाे छ ।

नेपाल स्टक एक्सचेञ्जका अनुसार बिहीबार सेयर कारोबार मापक नेप्से परिसूचक ११.३३ अंकले बढेर २८८३.३८ मा पुगेकाे छ । नेप्से ०.३९ प्रतिशतले बढेकाे हो । यस्तै सेन्सेटिभ परिसूचक १.९३ अंकले बढेर ५४१.३१ मा पुगेको छ ।

कूल २२३ वटा कम्पनीकाे ५ करोड ८५ लाख २ हजार एक सय ९ कित्ता सेयर खरिदबिक्री हुँदा ८ अर्ब १४ करोड ३६ लाख १४ हजार ३ सय २ रुपैयाँको कारोबार भएकाे नेप्सेले जनाएकाे छ ।

स्टकका अनुसार कारोबार भएका कूल १३ उपसमूहमध्ये आज ६ वटा उपसमूहकाे सेयर घटेकाे छ भने बाँकी ७ वटा उपसमूहकाे परिसूचक बढेकाे छ ।

बिहीबार गाेर्खाज फाइनान्सकाे सर्वाधिक काराेबार भएकाे छ । यता रैराङ हाइड्राेपावर कम्पनी लिमिटेडका लगानीकर्ताले सबैभन्दा धेरै नाफा कमाउँदा मेराे माइक्राेफाइनान्सकाे संस्थापक सेयरका लगानीकर्ताले सर्वाधिक गुमाएका छन् ।

हेरौँ आजको सेयर तालिका :