शेरवहादुर देउवा प्रधानमन्त्री नियुक्त, सपथ ग्रहणका लागि तयारी हुँदै

लगानी खबर, काठमाडौं - कांग्रेस सभापति शेरवहादुर देउवा प्रधानमन्त्री नियुक्त भएका छन् । सर्वोच्च अदालतको परमादेश बमोजिम राष्ट्रपति विद्यादेवी भण्डारीले देउवालाई प्रधानमन्त्री नियुक्त गरेकी हुन् ।

देउवा संविधानको धारा ७६ (५) बमोजिम  प्रधानमन्त्रीमा नियुक्त भएका हुन् । देउवा प्रधानमन्त्री नियुक्त भए पनि सपथग्रहणका लागि समन्वय भइरहेको राष्ट्रपतिका प्रेस सल्लाहकार टीका ढकालले बताए ।

सपथ ग्रहणका लागि तयारी भइरहेको छ  । स्रोतका अनुसार आज बेलुकी ६ बजे शीतल निवासमा नयाँ प्रधानमन्त्रीको सपथग्रहण हुनेछ ।