दोहोरो अंकले बढ्यो सेयर बजार, फाइनान्समा लगानीकर्ताको आकर्षण

लगानी खबर, काठमाडौं - साताको अन्तिम कारोबार दिन आज (बिहिबार) भने सेयर बजार लयमा फर्किएको छ  । आज सेयर बजारमा दोहोरो अंकको वृद्धि देखिएको हो  । यस साता बाँकि ४ दिन नै बजारले ओरालो यात्रा तय गरेको थियो  ।

नेपाल स्टक एक्सचेञ्जका अनुसार आज सेयर कारोबार मापक नेप्से परिसूचक २३.७६ अंकले बढेर २८२४.८९  बिन्दुमा पुगेको छ । नेप्से ०.८५ प्रतिशतले बढेको हो । यस्तै सेन्सेटिभ परिसूचक ४.४१ अंकले बढेर ५२९.६६ मा पुगेको छ ।

आज कूल २२३ कम्पनीको १ कराेड ३१ लाख ४३ हजार २ सय ४० कित्ता सेयर खरिदबिक्री हुँदा ४ अर्ब ८१ करोड ५५ लाख २० हजार २९४ रूपैयाँको कारोबार भएको छ ।  

आज कूल १३ वटा उपसमूहमध्ये ११ वटा उपसमूहको मात्र सेयर बढेको छ, बाँकी २ वटा उपसमूहको सेयर घटेको छ । आज फाइनान्समा लगानीकर्ताको आकर्षण देखिएको छ ।