लगानी गर्ने कि नगर्ने ? आरविवि म्यूचुअल फण्ड-१ को १० करोड इकाई असार २३ गतेबाट बजारमा आउँदै

लगानी खबर, काठमाडौं - आरविवि म्युचुअल फण्डले असार २३ गतेदेखि आरविवि म्युचुअल फण्ड-१ को इकाई निष्कासन तथा बिक्री खुल्ला गर्ने भएको छ । फण्डले  ‘आरविवि म्युचुअल फण्ड-१’ को १० करोड इकाई बिक्री गर्न लागेको हो । यसकाे समयावधि सात वर्षको रहनेछ ।

कूल इकाईमध्ये १ करोड ५० लाख इकाई वा कुल बिक्री भएको इकाईको १३% कोष प्रवर्द्धक राष्ट्रिय वाणिज्य बैंक र २% इकाई योजना व्यवस्थापक आरविवि मर्चेन्ट बैंकिङलाई सुरक्षित गरिएको छ भने बाँकी ८ करोड ५० लाख इकाई सर्वसाधारणको लागि बिक्री गरिनेछ ।
 
आरबीबी मर्चेन्ट बैंकिङको व्यवस्थापनमा सञ्चालन हुन लागेको यो पहिलो म्युचुअल फण्ड हो । उक्त इकाईमा लगानीकर्ताले असार २३ गतेदेखि छिटोमा असार २७ गतेसम्म र ढिलोमा साउन ४ गतेसम्म आवेदन दिन सक्नेछन् । 

उक्त इकाईमा लगानीकर्ताले प्रतिइकाई १० रुपैयाँको दरले न्यूनतम १०० देखि अधिकतम १ करोड इकाईसम्मका लागि आवेदन दिन सक्नेछन् । 

उक्त इकाईमा नेपाल धितोपत्र बोर्डबाट अनुमति प्राप्त सी-आस्वा सदस्य बैंक तथा वित्तीय संस्था तथा मेरोसेयरमार्फत अनलाइन आवेदन दिन सकिनेछ ।

उक्त इकाईको बिक्री प्रवन्धकको काम आरविवि मर्चेन्ट बैंकिङ लिमिटेडले गर्नेछ ।

थप जानकारीको लागि तलको विवरण हेर्नुहोस्:-